政治檢控還政治檢控，但特區政府對飯民嘅一堆指控，基本上就係老屈。例如之前話黃之鋒同一眾飯民成員煽動群眾非法集結，但事實上抗爭現場根本個個睬佢地有味（和理非集會果啲我就唔知，因為黃屍可能聽佢地支笛）；如今PK鄧話記協鼓吹人人做記者，現實卻係啱啱相反。
之前我其實已一直批評記協，表面上就話自己保護哂所有記者採訪權益，現實上卻就係分等級制，只有佢地認可嘅「名門正派」、符合一定條件嘅媒體先可以成為佢地嘅「正式會員」獲發記協記者證，其他不被記協認可嘅「非大台」媒體、公民記者，就全部只能做次一等嘅「附屬會員」、「學生會員」，甚至連申請會員資格都無，而差佬好多時只認正式記者證，其他人響採訪時蒙受極大風險，記協亦從來無打算保護佢地。
然後今日你PK Tang就話阿豬阿狗都可以做「記協會員」、「拉攏學生入會」、話佢地有違專業？件事偏偏就係記協從來都係專業霸權，你老屈都搵第樣丫！
Search